Mu'jizar da ke cikin Zaitu

Amfanin Man zaitun

Ciwon Ciki: Duk mutumin da yake ciwon ciki sai ya samu man zaitun kamar cikin cokali ya hada da garin habbatus sauda ya cakuda ya sha safe da yamma. Ya sa mu kamar sati daya yana sha, in sha Allahu zai bari.

CIWON KAI: Duk mutumin da yake ciwon kai to sai ya samu man zaitun yana shafawa a kansa yana kuma shan cokali daya da safe da rana da dare.

Ciwon Hakori: Duk mutumin da yake ciwon hakori sai ya samo ganyen zaitun da ‘ya’yan habbatussauda ya saka su a cikin garwashi ya buda bakinsa hayakin ya dinga shiga.

Ciwon Hanta: Duk mutumin da ya kamu da wannan ciwo sai ya dinga shan man zaitun cikin cokali daya da safe daya da rana daya da dare.

Ciwon Dasashi: Duk mutumin da yake ciwon dasashi sai ya samu man zaitun ya dinga wanke bakinsa da shi.

Ciwon Sukari: Duk mutumin da ya kamu da ciwon sukari to sai ya samu man zaitun da tsamiya yana hadawa yana sha kafin ya kwanta bacci.

Ciwon Asma: Duk mutumin da wannan ciwon ya kamashi, to sai ya samu ganyen zaitun ko ‘ya’yansa ya dinga turarawa.

Ciwon Koda: Duk mutumin da yake ciwon koda, to sai ya dinga shan man zaitun cikin cokali uku a rana.

Ciwon Baya: Duk mutumin da yake ciwon baya, to sai ya samu man zaitun da garin habbatussauda a kwaba ya dinga shafawa a bayan.

Ciwon Rama: Duk mutumin da ya ga yana ramewa, to ya dinga shan man zaitun kullum cokali uku, in sha Allahu zai yi kiba.

Zazzabi Mai Zafi: Duk mutumin da ya kamu da zazzabi mai zafi to sai ya dinga shan man zaitun cokali daya, sannan yana karanta Ayatul kursiyyu sau 7, yana tofawa a cikin yana shafe jikinsa da shi.

Kyawun Fuska: Duk mutumin da yake so fuskarsa ta yi kyau, ta yi fari wanda ba zai cutadda shi ba, to ya dinga shafa man zaitun da man habbatussauda in zai kwanta bacci bayan ya tashi da safe ya wanke da sabulun salo zai yi mamakin yadda fuskarsa za ta koma.

Zubewar Gashi: Duk maccan da gashinta baya futowa sosai ko in ya futo sai ya zube, to sai ta samu ruwan zafi ta wanne kanta da shi, sannan bayan ya dan huce sai ta zuba man zaitun a hannunta, sai ta shafe kannata da shi gaba daya kullum.

Karancin Jini: Duk mutumin da yake da karanci jini a jikinsa to sai ya dinga shan man zaitun cokali biyu a rana.

Bayan Gida Mai Kauri: Duk mutumin da yake shan wahala in ya zo zai yi bayan-gida, wani ma sai ya yi kuka saboda wahala, to sai ya samu man zaitun da garin habbatussauda ya kwaba sai ya tura shi a cikin duburarsa.

Ciwon Mara Ga Mata: Duk matar da take haila tana fama da ciwon mara saboda fitar jini in tana so ta samu saukin wannan ciwon, sai ta samu man zaitun tana hadawa da ruwan tsamiya tana sha, in sha Allahu duk lokacin da za ta yi haila ba zai mata ciwo ba.

Kurajen Karzuwa: Duk mutumin da yake da karzuwa ko wasu kuraje, to sai ya samu ganyan zaitun ya kirba shi ya hada da garin habbatussauda yana shafawa a wajan har ya warke.

Ciwon Kunne: Duk mutumin da yake ciwon kunne, to sai ya bari in zai kwanta bacci sai a dinga hada man zaitun dana habbatussauda yana digawa a kunnansa.

Cutar Kyasfi: Duk mutumin da yake da kyasfi a jikinsa, to sai ya samu ganyen zaitun busasshe, ya daka shi ya yi laushi sai ya hada shi da man zaitun ya cakuda, ya dinga shafawa a wajen lokacin da zai kwanta bacci.

Shafar Aljanu: Duk mutumin da yake so ya rabu da aljanu, to ya dinga amfani da man zaitun saboda aljanu ba sa son shi. Don haka yana da kyau mutum ya lazimci amfani da shi a kowane hali, in da hali ma ya mai da shi mansa na shafawa.

Ciwon Kakkare: Duk mutumin da ciwon kakkare ya sa me shi, to sai ya samu man zaitun, sannan a samu lalle a kwaba, sai a zuba man zaitun din a cikin lalle a gauraya, sannan a karanta (Ayatul Kursiyyu) sau 7, a tofa a ciki sannan sai a tofa a jikin wannan karkare.

Ciwan Nono: Duk matar da take fama da ciwan nono, to ana hada man zaitun da garinsa a barbada a kan nonon saboda samun damar zuba, dan kofofin su bude.

Ciwon Saifa: Duk mutumin da yake ciwan saifa, sai ya hada man zaitun da garin habbatussauda da kuma zuma farar saka ya sha.

Tsutsar Ciki: Duk mutumin da yake da tsutsar ciki, to sai a samu man zaitun da garin habbatussauda da zuma ya kwaba su ya sha, wannan tsutsar za ta mutu.

Ciwon Hanji (Ulcer): Duk mutumin da yake da gyanbon ciki, to sai ya samu garin habbatussauda kamar cokali daya sannan ya samu garin kumasari da ganyan zaitun mai laushi ya jika su ya dinga sha har sai ya warke.

Fitsarin Kwance: Duk yaro da yake fitsarin kwance, to sai a samu garin zaitun dana habbatussauda a zuba a nono a dinga ba shi yana sha zai dai na.

Mutuwar Jiki (Kasala): Duk mutumin da jikinsa yake yawan mutuwa to sai ya dauwama yana shan zuma da garin habbatussauda zai ji karfin jikinsa.

Yawan Zazzabi: Duk mutumin da yake yawan yin zazzabi, to sai ya samu garin habbatussauda kamar cikin ludayi ya kwaba da ruwan zafi da kuma zuma mara hadi ya dinga sha.

Ciwon Gabobi: Duk mutumin da gabobinsa suke ciwo, to sai ya samu garin habbatussauda da zuma ya dinga sha, sannan kuma ya zuba garin habbatussauda a cikin man zaitun ya dinga shafawa a gabobi.

Kwarkwata: Duk matar da take fama da kwarkwata kuma har take son rabuwa da ita, to ta samu man zaitun da garin habbatussauda ta kwaba sannan sai ta bari sai rana ta take sai ta zuba wannan man a kanata ta bar shi ya yi kamar minti 20, sannan sai ta wanke.

TARI: Duk mutumin da ya kamu da kowani irin tari, to sai ya samu garin habbatussauda da man zaitun da ‘yar citta da tsamiya da zuma, sai ya hada su guri daya ya cakuda ya dinga ci.

Majinar Kirji: Duk mutumin da yake yawan majinar kirji, to sai ya samu man zaitun da garin habbatussauda ya hada ya dinga ci kullum sau biyu safe da yamma

Amfanin Namijin Goro ga lafiyar bil'Adam

ASSALAFY ISLAMIC MEDICINE CENTER

DABINO

ASSALAFY ISLAMIC MEDICINE CENTER

Amfanin dabino a jikin Dan adam.

Dabino yana daya daga cikin 'ya'yan itatuwa masu matukar amfani ga jikin adam saboda irin sinadaren da ya dauke dashi. Dabino yana girme ne a bishiya kuma 'ya'yan na cure ne kuma ya fi son yanayi mai zafi. Bayan 'ya'yan dabinon sun nuna ana iya cinsu hakan nan kokuma a cire kwallon da ke ciki a sarrafa su ta wasu hanyoyin don more lagwada da amfanin da dabinon ke dauke dashi.

Ga dai wasu fa'idoji guda shida da dabino keyi a jikin dan adam.

1. Dabino nada tasiri wajen kara kuzari ga masu aure Binciken masana kimiyyan sinadaren abinci ya nuna cewa dabino yana da matukar muhimmanci wajen kara kuzari tsakanin ma'aurata. Domin samun wannan fa'idar, sai mutum ya debi dabino kamar cikin hannunsa ya jika su cikin nonon akuya su kwana, da safiya sai a marka dabinon tare da nonon kuma ana iya kara zuma da cardamom. Wannan hadin yana da mutukar amfani wajen inganta kwanciyar aure.

2. Maganin gudawa Dabino da ya nuna sosai yana dauke da sinadarin potassium wanda ke da mutukar muhimmanci wajen magance gudawa. Sinadarin fibre da ke cikin dabino kuma yana taimakawa wajen magance basir da sauran matsalolin da ke da alaka da fitar bayan gida da gyaran ciki.

3.Lafiyar zuciya Dabino yana da matukar amfani wajen karawa wa zuciyar dan adam lafiya. An fi samun fa'idan da ke cikin dabinon idan an tsoma shi cikin ruwa ya kwana sai a dauko a ci da safe. Hakan yana da matukar amfani ga masu fama da ciwon zuciya. Sinadarin Potassium da ke cikin dabinon yana kare buguwar zuciya da wasu cututuka masu kama da hakan.

4.Karin kuzari Dabino na dauke da suga wanda basu da ila ga jikin dan adam kamar glucose, fructose da sucrose. Saboda hakan duk lokacin da mutum ke jin kasala idan yaci dabino zai samu kuzari nan take.

5.Karfafa garkuwan jiki da magance allergy Wani abin mamaki game da dabino shine yadda take dauke da sinadarin sulphur wanda ba'a cika samunsa a 'ya'yan itatuwa ba amma kuma yana da matukar amfani da jikin dan adam cikinsu kuwa harda kara karfin garkuwar jiki da magance 6.Yana taimakawa masu son mayar da jikinsu Dabino na dauke da suga, sinadarin Protein da ke gina jiki da kuma vitamins. Kilogram daya da dabino na dauke da calories 3,000 wanda hakan sun isa jikin dan-adam biyan bukatun ta na kwana daya. Idan mutum ya rame kuma yana son mayar da kibansa, dabino na iya taimakawa wajen gina jiki sai mutum ya jibinci cin dabinon

Amfanin tumatir ga lafiya da Adam

AMFANIN RUWAN TUMATIR

Tumatir yana dauke da sinadirrai daban daban masu dimbin amfani ga lafiyar jikin dan adam.

Bincike ya tabbatarda cewa a kowane kofi daya na ruwan tumatir na daukeda kaso 75 na sinadirin vitamin C, da kaso 22% na vitamin A.

Ana samun sinadirin Vit E da vitamin K da Folate da niacin,da pantothenic acid da riboflavin da B6 da potassium da manganese da phosphorus da copper da iron da magnesuim,da sodium da makamantansu.
Sinadirin potassium dake a cikin ruwan tumatir yana taimakawa matuka musan dan rage taruwa ko yawaitar sodium a cikin jiki da kuma rage hauhawan jini (blood pressure)

Lycopene wani sinadirane dake akoi a cikin ruwan timatir - yana taimakawa wajen karfafa jiyojin jini har zuwa ga zuciya.Haka kuma suna kona sinadiran cholesterol dake katutu a cikin jini ya daskare hanyoyin jini har ya haifarda wata illa ga zuciya.

Ruwan tumatir yana kare jiki daga barazanar kamuwa da kansa (ciwon daji).Bincike ya tabbatarda cewa wannan sinadirin na lycopene yana daukeda wasu magunna dake magance ciwon daji (anti imflammatory da anti cancer cells).Haka kuma lycopene din yana rage girman ciwo ko kurji na ciwon daji (tumor) dake tsira ga hanta,huhu,mamma,da kuma prostate cancer.

Yana rage kiba da tumbi da nauyin jiki sanadin samuwar sinadirin leptin.

• A wani bincike da kasidar British journal of Nutrition in 2013 ta kaddamar ta gano cewa ruwan timatir na rage mafiyawan cutukan zuciya da kuma ciwon suga.
• Ruwam tumatir na narkarda abinci a cikin kankanin lokaci(fast digestion)
• Ruwan tumatir na kara samarda garkuwar jiki.(boosts immunity)
• Ana tarfa zuma a tareda cokali uku na ruwan tumatir sai a tagasa a sha maganin cutukan ciki da zafin jiki.
• Ana soya kwai da timatir da albasa dan samun ruwan maniyi ga jiki.
• Ruwan timatir na karin jini a jika.
• Sai dai da yake ruwan tumatir nada tsami(sour)dan haka mai olsa sai yasan yanda zai sha.
• Haka kuma mai ciwon Acid reflux disease sai ya nemi shawara kamin ya sha da bayanin da za ayi mashi.

Cutar Limoniya (Nimonea)

MAGANIN LIMONIYA

Cutar limoniya tana daga cikin cututtuka masu matukar cutarwa ga lafiya jikin Dan Adam......mai wannan cuta ya guji ruwan sanyi, AC, kwanciya a kasa da sauransu.

Wanda Allah ya jarabce shi da wannan cuta sai ya samo abubuwa
kamar haka:

1. Garin bakin algarur {garin habbatus sauda} cokali 5
2. Garin tafarnuwa cokali 3
3. Ruwan tumatir (karamin gwangwani huda daya)
4. Gishiri dan kadan rabin cokali,

Sai a kwaba su guri guda ana sha da safe kafin aci komai.

za a samu lafiya da ikon Allah.

MAGANIN KARFIN MAZA & SAURIN INZALI

HANYOYIN 10 MAGANCE INFECTION

• HANYOYIN 10 MAGANCE INFECTION
•  
• ‘Yan Uwana Mata barkan mu da sake saduwa daku a cikin wannan fili namu mai matukar farin jini, wato Sirrin Gyaran jiki… Kamar yadda kuka sani shi wannan shiri a na yin shi ne don matan aure zalla domin basu shawarwari ta kowane bangare na rayuwarsu ta yadda za su samu su gyara zaman takewarsu da mazajen da mu’amalar su ta bangaren girki, tsafta, gyaran gida da gyaran jiki. Irin abubuwan daya kama mu mata mu dinga ci domin karin ni’imar mu da gamsuwar mazajen mu, da ma duk wani abu daya shafi rayuwar ya mace. Da fatan za ku dinga bibiyata a cikin wannan shiri.gurin da nayi kuskure sai nace Ina neman afuwar ubangiji da afuwar ku domin ajidan ci irin na dan Adamtaka, gurin kuma da nayi dai dai Sai nace Allah ya hada mu a ladan baki daya.
• 
  
• Da farko Lallai ya kamata ku gane cewa infection yanada wuyan magani domin maganine da se andauki lokaci anayi kamin ya warke gaba daya,inda sansamune ku dauki lokaci kaman wata 6 ajere koma fiye shine zakiga kin maganceshi gabadaya amma in zaki fara ki bari to lallai zaki dade kina magani baki maganceshi gabadayaba. kuma lallai wacce take da miji sai sunyi magani su biyu amma intasah magani ita kadai kamar tayi a bandane don suna kara saduwa da mijin ata kara
• daukar ciwon_
•  
• Mu na rokon da Allah ya baku lafiya ingantatta kuma yasa kaffarane.
• A gwada daya daga cikin wadannan:
•  
• 1- A samu Saiwar Garafuni da Sassaken Magarya, sai a tafasa, idan ya dan huce sai mace ta dinga kama ruwa da shi. Kullum sau daya. Yana maganin budewa da kaikayi.
•  
• 2- A samu Garafuni da Sassaken Sanya sai a tafasa, mace ta dinga shan rabin kofi da safe, rabi da yamma. Ya na fitar da dattin mara da maganin farin ruwa mai wari.
•  
• 3- A samu Furen Tumfafiya, sai a shanya ya bushe, a daka a dinga zubawa a cikin Nono a na sha. Ya na magance matsalar ruwan infection.
•  
• 4- A samu Lalle da Ganyen Magarya da Kanumfari, a hada waje daya a daka sannan a tafasa a zuba farin miski a ciki. Idan ya dan huce sai ta shiga ciki ta zauna tsawon kamar minti goma. Yin haka yana maganin kaikayi da kuraje da budewa da dadewar gaba.
•  
• 5- A samu Kabewa a dafa ta, bayan an dafa sai a tsame daga ruwa a jajjagata ko a birga, a zuba Madara ko Nono sannan a sa Zuma a sha. Wannan yana mganin rashin sha’awa da bushewa da rashin gamsuwa.
•  
• 6- A dafa Zogale, idan ya dahu sai a murje shi ko a dama, a tace, a yi lemon juice da shi. Yana maganin fitar farin ruwa mai wari da cushewar mara kuma ya na kara ni’ima.
•  
• 7- A samu Dan-Tamburawa da Albabunaj a tafasa a zuba Man Hulba a ciki. Sai ta dan tsuguna tururin ya dinga shigarta. Idan ya dan huce kuma sai ta shiga ciki ta zauna. Zai magance mata kaikayi da kuraje kuma ya na sa matsewa.
•  
• 8- A samu Farar Albasa da Kanumfari da Citta da Malmo da Barkono da Raihatul Hubbi, sai ta da ke su ta yi yaji ta dinga cin abinci da shi. Ya na saukar da ni’ima da magance duk matasalolin sanyi.
•  
• 9- A samu Sabulun Zaitun da Sabulun Habba sai a daka su. A samu ganyen Magarya da Garin Bagaruwa a daka a tankade. Sai a zuba akan sabulan da aka daka sannan a kwaba da Ma’ul Khal, a zuba Man Tafarnuwa da Farin Almiski. Sai mace ta dinga kama ruwa da shi kullum sau daya. Da ruwan dumi amma ake tsarki da shi. Wannan Sabulu ya na maganin kuraje da kaikayi da fitar wari.
•  
• 10- A samu Man Zaitun da Man Habba da Man Tafarnuwa da Man Kanumfari sai a hade su waje daya. Mace ta dinga shan cokali daya kullum kafin ta karya. Ya na wanke dattin mara kuma ya na samar da ni’ima.
•  
• 11- A samu Ciyawar Kashe-Zaki da Farin Magani sai ta hada waje daya ta dinga jika rabin karamin cokali ta na sha. Sannan ta dinga shan Man Zaitun Cokali daya kullum kafin ta karya. Wannan ya na maganin dattin mara da wanke daudar mahaifa.
•  
• 12- A bare tafarnuwa, idan za ki kwanta bacci sai ki dauki sala daya ki yi matsi dashi, ana son idan mace za ta yi wannan hadin to miji ya daga mata kafa wato kada ya kusance ta, Da safe sai ta tafasa garin hulba ta zauna a ciki zata yi hakan har tsawon kwana uku.
•  
• 13- Ki hada hulba da bagaruwa guri daya, ki dafa idan ruwan ya sha iska sai ki zauna a ciki, kuma ki samu man habbatussauda ki yi matsi da shi. Ni’ima Ba Sassauci Da farko daki samu kadarki wadda ba ta fara kwai ba. Sai ki dare hanjinta ta cikin dunbutu tunda ba a bukatar a yi mata gunduwa-gunduwa. Sai ki gyara ridinki (kantu) ki shanya ya bushe sai ki daka shi. Kina iya tafasa kadar sannan sai ki duba ridin ta cikin dunbutun kadar. Sai ki samu abu ki daure dumbutun; sannan ki hada kayan miya kadan sai ki kara duba nonon rakumi a cikin kayan miyar ki hada ki dafa har sai sun dahu sai ki sauke. Sannan a ranar ki jika kanumfari ya jiku sosai. Ya dama ruwan shanki.
•  
• Kunun Zakin Dabino: Za ki sami dabino mai kyau ki cire ki tsabtace shi, saiki jika har sai yayi taushi sosai sai ki markada a blander , kisaka zuma ko suga kadan da madarar ruwa, asa yayi sanyi sai ki sha.
•  
• Jan Hankali Ga Mai Matsalar Bushewar Farji:
•  
• Sirrin Bushewar Farji:
• ’Yar’uwa ga dama ta samu, idan ki na fama da bushewar farji, a koda yaushe to sai ki sami man zaitun da man habbatussauda, sai ki hada su wajen daya, ki dinga shafawa a cikin farjinki insha Allah Zaki ga biyan bukata, domin kowace cuta tana da magani, sai dai in baki nema ba, amma in kika nema Zaki samu.
•  
•